[كلك احبك انت ،، ايـه انـت كلّـك
تسئل محبك،، ليه من قبـل يسّألـك
لاصرت في قلبه،،، تواجـد محلـك
وانته ملكته دون كل البشـر، ملـك
ما كنّك الا ماخـذه ،، محمـلِّ لـك
على مرافي صدق الاحباب يوصلـك
كلـك ملكتـه برتحالـك،، وحـلّـك
من وين ماسافرت، به نبض يحملك
خلك فديت عيونـك السـود،، خَلّـك
الهام شاعر في هـواك وتواصلـك
القلب لـه عيـنٍ تجيـك ،، وتدلـك
يقبّل احساسك ،، قبـل مـا يقبلـك
كأنـك اللـي ماخـذه،، بالتمـلـك
حتى ولو طيفك يمـر مـا تجاهلـك
اعرفك عشاني من النـاس،، خلّـك
اقـراك بعيـون المحبـه واعاملـك
اعوام وانـا مرافقـك مثـل ضلـك
احميك من نفسك واضل لك واضللك
اشرب عذابـك بالمحبـه وفـاً لـك
واجمّلك بعيون غيـري ،،واجملـك
وان كان طحت و جيتيني قلت من لك
غيـري بهالدنيـا صبـور يتحملـك
انـا الـذي مـا يـوم اقـدر اذلـك
ما اصّعبك عندي ولو قلت ما اسهلك
تدري بغيابك هالجوارح شكـن لـك
ماصدقت بك يـا بعدهـم عواذلـك
كلـي مشاعـر جامحـه تستحلـك
نصفي تكملني وانـا جيـت اكملـك
اخذك واحلـم فـي نعيمـك ودلـك
واهيم بك واجعل حروفـي تغازلـك
اكتبـك بحـروف القصايـد وعلـك
تفهم لغة قلبٍ بـدا يكتـب اجملـك
ان فحت من كثر الغلا جيـت ازلـك
في دلة اشواقي على شـان اهيّلـك
واقنـدك مـن هالحنايـا،، واعلّـك
وانادمك بحسـاس شاعـر واعللـك
واذكّرك وشلون كانو غـذ(ن) لـك
قصايـدي كـم تحتويهـا رسايلـك
ياما هتفو بسمك وياما هتفـن لـك
وياما وصفن حسنك ولاني مجاملـك
تصـدق انـي كـل يـوم ،،اتملّـك
مساحةٍ منـك مـن آخـرك لاولـك
لو عشت عمـري خافقـي مايملـك
القلب منك صار يا سيـدي ،وإلـك
يا انت ياللـي مـن قيـودي احلـك
واقيّدك بقيـود شوقـك ،،واحللـك
اما تجيني بصدق الاحسـاس كلـك
ولا تروح ونبضـة القلـب تحملـك[/color]
الرئيسية 
البوابة 
أحدث الصور 
التسجيل 
دخول 
السبت سبتمبر 26, 2009 9:53 am من طرف عبدالرحمن
