دموع الشجن

متين يا جميل تفهم كلامي معاك عشان تعرف انو
مالي في الدنيا حد سواك يفرحني واشعر بي وجودو معاي
انا الاخترتك دون الناس لانك زول رقيق حساس
بشوش بتجبر بي خواطر الناس الا الليلة اتغيرت يا احساس
بقيت تسمع كلام الناس وتلعب بي مشاعري انا
وتعمل فيها زول زعلان وانا السامحتك في كل اوأن
وما قايلك مع الايام بتتغير وتصبح فيها زول مغرور
تصد وتجور وتنسي هواي وانا الفاكرك لسة معاي
وعارف اني من غيرك ما عرفت المحبة في يوم
ولا شلت الزعل واللوم اسامح فيك وانا المظلوم
وفي الاخر ده جزاي تخاصمني وتجور في هواي
وتفهم من كلام الناس اني عدوك وبغدر بيك
انا يا رايع ما عندي خطاب ارسلو ليك بعد ما خلاص
بقيت مغرور نسيت وجفيت الا الدنيا دوارة
وباكر مع الايام بتفهم كل كلمة قلتها ليك
ولما تعود لي تاني يا يا مغرور مهما حكيت ما بتنفع دموع عينيك
_________________